టాలీవుడ్లో వరుస విజయాలతో దూసుకుపోతున్న నేచురల్ స్టార్ నాని మరో ఆసక్తికరమైన ప్రాజెక్ట్కు సిద్ధమవుతున్నట్లు సినీ వర్గాల్లో ప్రచారం జరుగుతోంది. విభిన్నమైన కథలను ఎంచుకుంటూ ప్రేక్షకులను ఆకట్టుకుంటున్న నాని, టాలెంటెడ్ డైరెక్టర్ సుజిత్ దర్శకత్వంలో ఓ కొత్త సినిమా చేయనున్నట్లు సమాచారం.
ఈ క్రేజీ కాంబినేషన్కు ‘బ్లడీ రోమియో’ అనే డిఫరెంట్ టైటిల్ను పరిశీలిస్తున్నట్లు తెలుస్తోంది. మాస్, క్లాస్ అంశాల కలయికతో రూపొందనున్న ఈ చిత్రాన్ని త్వరలోనే అధికారికంగా ప్రారంభించనున్నట్లు నాని సన్నిహిత వర్గాలు వెల్లడించినట్లు సమాచారం.
నాని, సుజిత్ కలయికలో వస్తున్న ఈ ప్రాజెక్ట్పై అభిమానుల్లో ఇప్పటికే ఆసక్తి పెరిగింది. విభిన్నమైన కథనాలతో సినిమాలు చేసే నాని, స్టైలిష్ టేకింగ్కు పేరున్న సుజిత్ కలిసి ఎలాంటి మ్యాజిక్ క్రియేట్ చేస్తారో చూడాలని సినీ ప్రేక్షకులు ఆసక్తిగా ఎదురుచూస్తున్నారు.
