టీమిండియా మాజీ క్రికెటర్ల సంక్షేమానికి భారత క్రికెట్ నియంత్రణ మండలి (BCCI) ప్రత్యేక ప్రాధాన్యం ఇస్తోంది. ఇందులో భాగంగా రెండు దశాబ్దాలకు పైగా అమలవుతున్న BCCI పెన్షన్ స్కీమ్ మాజీ ఆటగాళ్లకు ఆర్థిక భద్రత కల్పిస్తోంది. ఇటీవల మాజీ వైస్ కెప్టెన్ అజింక్య రహానే అంతర్జాతీయ క్రికెట్కు వీడ్కోలు పలకడంతో ఈ పెన్షన్ పథకం మరోసారి చర్చనీయాంశమైంది.
భారత్ తరఫున రహానే 85 టెస్టులు, 90 వన్డేలు, 20 టీ20 మ్యాచ్లు ఆడాడు. సుదీర్ఘ అంతర్జాతీయ కెరీర్ను కలిగి ఉన్న రహానే.. BCCI పెన్షన్ స్కీమ్లో అత్యధిక పెన్షన్ పొందే విభాగానికి అర్హత సాధించినట్లు సమాచారం. దీంతో ఆయనకు రిటైర్మెంట్ తర్వాత నెలవారీగా పెన్షన్ అందనుంది.
పెన్షన్ నిబంధనల ప్రకారం అజింక్య రహానే నెలకు రూ.70,000 పెన్షన్ పొందనున్నట్లు తెలుస్తోంది. మాజీ క్రికెటర్ల సేవలను గుర్తిస్తూ BCCI అందిస్తున్న ఈ పథకం.. అంతర్జాతీయ క్రికెట్కు వీడ్కోలు పలికిన ఆటగాళ్లకు ఆర్థికంగా అండగా నిలుస్తోంది.
